Инклюзияны қолдау кабинетінің ашылу салтанаты

admin — Thu, 28 Apr 2022 10:11:08 +0600

2020 жылдың, желтоқсан айының 14 жұлдызында Елбасы Нұрсұлтан Әбішұлы Назарбаевтың қорының бастамасымен жүзеге асқан Семей қаласының 36 ЖОББМ жанындағы инклюзияны қолдау кабинетінің ресми ашылу салтанаты өтті. Кабинеттің тұсауын кесу мәртебесі ИҚ кабинетінің оқушысы Ерік Дамирдың анасы Омарханова Арайға бұйырды. Ашылу рәсімінен кейін мектебіміздің директоры - Ғалымбек Бейсенұлы Сұлтанов қонақтарды кабинет тынысымен таныстырды.
Сондай-ақ, салтанатты іс-шараның құрметті қонақтары Семей қаласының әкімінің орынбасары - Айдар Серікқазыұлы Садырбаев пен Семей қаласының Білім бөлімінің басшысы - Наталия Анатольевна Фесенко ашылу рәсіміне жүрекжарды құттықтау тілектерін білдірді.

2018-2019 оқу жылында мектепте инклюзивті білім беруді енгізу және ұйымдастыру

admin — Tue, 09 Apr 2019 12:19:03 +0600

Бекітемін

«Шығыс Қазақстан облысы Семей қаласының

білім бөлімі» ММ

"№ 36 жалпы орта білім беретін мектеп"

КММ директоры Ғ.Б. Султанов

2018-2019 оқу жылында мектепте инклюзивті білім беруді

енгізу және ұйымдастыру

ЖОСПАРЫ

Инклюзивті оқыту- барлық кемтар балаларға мектепке дейінгі оқу орындарында, мектепте және мектеп өміріне белсене қатысуға мүмкіндік береді, оқушылардың тең құқығын анықтайды, адамдармен қарым-қатынасына қажетті қабілеттілікті дамытуға мүмкіндік береді, барлық балаларды жалпы білім үрдісіне толық енгізу және әлеуметтік бейімдеуге, жынысына, шығу тегіне, дініне, жағдайына қарамай, балаларды айыратын кедергілерді жоюға, ата-аналарын белсенділікке шақыруға, балалардың білімділік қажеттіліктеріне бейімделуіне жағдай қалыптастыру, яғни жалпы білім беру сапасы сақталған тиімді оқытуға бағытталған мемлекеттік саясат.

Мақсаты: Жалпы білім беру мектептері аясында ерекше білім беруді қажет ететін оқушылардың толыққанды білім алуына жағдай жасау.

Міндеттері:

Психолого-педагогикалық консилиумның жұмысын жандандыру;
Профилактикалық және психо-коррекциялық сабақтарды өткізу барысында диагностикалық пакетті қалыптастыру;
Педагогтарды, қосымша білім беру педагогтарын тарту, оларды дайындау;
Жалпы білім беретін мектептердің практикасына арнайы дамыту педагогикасын енгізу;
Ата-аналар үшін ақпараттық-танымдық жұмыстар ұйымдастыру /консультациялық орталық/;
Ерекше білім беруді талап ететін балалар үшін жекелеген маршруттарды ұйымдастыру;
Балалардың мүмкіндігіне қарай бірыңғай психологиялық комфортты білім беру ортасын құру;
Мектепте инклюзивті білім беруді ұйымдастыру үшін арнайы жағдай жасау;
Білім беру кезеңдерінің сабақтастығы жағдайында мұмкіндігі шектеулі балаларға, мүгедек балаларға жеке қолдау көрсетуді қамтамасыз ету;
Білім беру мекемесінде қосымша білім алуға мүмкіндігі шектеулі балалардың, мүгедек балалардың кіруін қамтамасыз ету;
Мүмкіндігі шектеулі балаларға, мүгедек балаларға мектеп және қалалық қоғамдастықтың толеранттық көзқарасын қалыптастыру;
Мүмкіндігі шектеулі және мүгедек балаларға көмекті үйлестіру үшін қоғамдық ұйымдармен, әлеуметтік қорғау және медицина ұйымдарымен әлеуметтік серіктестікті дамыту.