18 қаңтар күні Азаматтық авиация академиясынан маман келіп, 9 «А», 9 «Ә», 11 «А» сынып оқушыларына мамандық таңдау, шетелде оқу мүмкіндігі жайлы айтты. Академия көп деңгейлі жүйе бойынша мамандар даярлауды жүзеге асырады. Сонымен қатар, Авиация колледжі бар екенін түсіндірді. Колледж негізгі орта білім және жалпы орта білім негізінде, мемлекеттік білім беру тапсырмасы бойынша және ақылы негізінде мемлекеттік және орыс тілінде жүргізілетіні туралы оқушыларға толық ақпарат берілді.