2023-2024 оқу жылының желтоқсан айында мерейлі мектебіміздің 60 жылдығы аталып өтті. Атаулы күнге орай "Мектебім - мейірім мекені" тақырыбында онкүндік ұйымдастырылып, салтанатты мерекелік шара өтті. 

       1963 жылы қала шетіндегі шөп сататын базардың жанынан жаңа ғимарат бой көтерді. Бұл № 36 орта мектеп еді. Облыстық «Иртыш» газеті «Әдемі мектеп» деген ат беріп мақала жариялады. Жаңа мектеп шынында да әдемі еді: жабдықталған шеберханалар, спорт залы, физика, химия кабинеттері, шаруашылық кабинетіне, хрустальді шамдалдары бар акт залы. 1963 жылдың 4 қыркүйегінде микроаудан балалары мектептің табалдырығын аттады. Мектептің алғашқы директоры З.Д.Кархацкойға мектеп кілті табыс етілді.